في يوم من الايام مات أحد السياسيين، ما إنكول إسمه
فلمّا المرحوم وصل إلى السماء
استقبلوه و كالوله اهلا وسهلا بالسياسي
راح نخيّرك بين الجنة والنار وإنته
تختار بنفسك لان انته جنت مسؤول جبير بالدولة
ولازم ننطيك معاملة خاصة تليق بمقامك؟؟؟
فبسرعه جاوبهم السياسي: أنا قررت أروح للجنة
بس الجماعة كالولة لايابة ما كوهيج حجي
إنته لازم تقضي يوم بجهنم ويوم بالجنة وبعدين تقرر بنفسك
هايه القوانين اهنا واحنه دولة قانون وما نكدر إنخالفها
فحطوا السياسي باحد المصاعد و نزل بيه المصعد
الى جهنم... و بعدين انفتح الباب؟؟؟ باوع شاف
كل جماعته وربعة السياسيين السابقين جانوا موجودين
بحديقة كلش حلوة لابسين قوط ومرتبين
يشوون وياكلون ويشربون ويغنون
والمهم.. حتى إبليس جان وياهم يضحك ويغني ويركص
!!!
رحبّوا بيه و كالوله اهلا وسهلا بيك بجهنم
وظلوا متونسين اربع وعشرين ساعة
الى ان انقضى الوقت المحدد للزيارة
وراها طلع من جهنم كما هو متفق عليه
وره جهنم جان لازم يجرب الجنه فراح للجنه
لكه اهناكه الهدوء والسكينه بس
للاسف ما لكه ولا واحد عرف فما إتوَنّس؟؟؟
وره ما انقضت اربع وعشرين ساعة بالجنه
اجوي وسألوه: ها حجي شنو قررت؟
كاللهم: والله الجنة حيل حلوة ومكان كلش مريح....بس آني أفضل جهنم؟؟
كالوله هذا قرارك النهائي؟
كللهم طبعا هذا قراري واختياري بمحض ارادتي
وبدون اية ضغوط او تدخلات خارجية؟
بعدين دزو السياسي الى جهنم, وهو بالطريق
فرحان لانه راح يشوف جماعته و يظل متونس
اوياهم؟؟ اشو من انفتح الباب... كلشي لكاه متغيّر، لا حديقة..
ولا حفلة، ولكى أصدقائه العّتك لابسين خرك
ويشتغلون دك عماله وتنظيف وشكو شغلة تكسر الظهر (أشغال شاقة)؟
اتخبل ومن شاف إبليس كاله هاي شنو لعد وين الحفلة؟
وين الونسة مالت البارحه؟
باوع عليه إبليس وظل يضحك عليه وأخيرا كلله :
حبيبي...البارحه جانت عدنه حملة أنتخابية.. واليوم انته انتخبتنه
Geen opmerkingen:
Een reactie posten