نكات عراقية حلوة

امتحان كلية الزراعه
س1:احلب البقره الاتية
س2:اكتب في ما لا يقل عن دونم
س3:احرث ما تحتة خط
س4:ضع كرك امام الاجابه الصحيحة

قصة حياة قميص مصلاوي
أول سنتين للكشخة
ثاني سنتين للطلعة
ثالث سنتين للسوق
رابع سنتين وصلة مسح
وبعدا بسنتين فتيلة لمبة
واخيرا سماد للحديقة

اكو واحد تزوج وحدة طلعت عرجة فكعد وياها كالهة انتي خدعتيني ليش ماكلتيلي انتي عرجة من البداية كالتله هسة انت شتريد تتزوج لو تتسابق

واحد جابوله ابنه من الجيش مكطعه ايديناته ورجليناته كالوله: عنده العافيه حجي كاللهم: يا عافيه ولد الزمايل انتو مسويليا يَلَك

لبنانية دزت مسج لزوجها؟حبيبي بدي جبنة بيضة مثل وجك وسكر مثل دمك وعسل مثل تمك وشطه مثل مشاعرك ؟ عراقية شافتها وغارت ودزت لزوجها مسج؟ جيبلي بصل مثل ريحتك وبيتنجان مثل لونك وقرنابيط مثل كفشتك وبتيته بكبر خشمك ولاتتأخر ترى احرك اهل اهلك؟




محشش يسولف لصاحبه : جنت بالصحراء دا امشي واشوفلك الاسد جاي عليه كبل , وراسا ختلت وره الباب , صاحبه كله ولك علينه منين اجه هذا الباب , المحشش : لا صعدت على الشجرة , هم كله وين اكو شجر بالصحراء ,المحشش : لعد اكلني , ارتاحيت !!!

اكو واحد كلش يكذب كال لواحد محشش تعرف شوكت اجيت لدنيا من جان القوس قزح اسود وابيض المحشش كاله لعد اني تعرف شوكت اجيت لدنيا من جان البحر الميت بالمستشفى

سوداني مدمن تدخين
قالوا له : انتبه لنفسك
ترى التدخين يعتبر موت بطيء !
قال: اصلو أنا زاتي مامستعجل ..

شاب يحب بنيه أخذ أمه وياه حته تخطبها .. دخلوا لبيت اهل العروس شافوا 3 بنات كاعدات الولد سأل أمه كللهه يمه أحزري منو من عدهن اللي احبها حته تخطبيها الي ؟؟؟ جاوبته : يمه هاي اللي كاعده بالنص كللهه والله صحيح .. بس شلون عرفتي ؟؟ جاوبته :- أكيد هيه لأن سبحان الله ماحبيتها .

اربع شباب ملعبين صاعدين بتكسي , يريدون يغلسون على الأجرة و يضربون السايق بوري اتفقو انو ينزلون بسرعة بس توكف السيارة وفعلا وكفت السيارة فتحوا البوب بسرعة واشتغل الركض من الطفرة شافو عمارة دخلو بيها وصعدو اول طابق....ثاني طابق....ثالت.....هيج حتى وصلو لاخر طابق وطبعا كلهم ختلوا ولا حِس ولا نفس, بعدين واحد منهم...... دغ الي بصفة كله: هسة اشصار بالسايق؟...؟؟ كاله: لك اني السايق بس كلي شنو القصة؟

فديوم واحد عمره 85 سنة ايريد ايسوي تامين على حياته @ فراح كلوله انته جبير منكدر انسويلك كال ابوية البارحة جان اهنا وسويتوله اتعجبوا ؟؟ كلوله يله تعال باجر انشوفلك حل كال ما اكدر اجي باجر عرس جدي ؟؟ سأله الموضف كله انته جدك عايش ويريد يتزوج ؟؟ كله الصراحة هوه ميريد بس امه وابوه ضاغطين عليه

أكو واحد كاعد بالكهوة وضايج كله لصاحبه ليش ضايج كله مرتي زعلت عليه وكلتلي مراح احجي وياك شهر صاحبه كله على هاي ضايج ؟ كال لا لأن الشهر راح يخلص

ليش البنات يحبون حرف الميم لأن بي كل شي يحبونه ؟؟؟؟
مكياج @ مولات @ مناسبات @ مطاعم @ مرايات @ ملابس @ مكالمات @ مسجات @ مصروف @ مهند @ ماتريد اطلعنا @ ماتكوم اتوديني عند اهلي @ مامشتهيه شي @ مزاعلتك ...

محشش لحيته طويلة أول...مرة يدخل جامع .. اجاه واحد وسأله : يا شيخنا .. فاتتني ركعتين شنو اعمل ؟ قال :اكو أحد شافك؟ قال : لا .قال : غلس